ҚЫЗЫЛОРДА. ҚазАқпарат - Қызылордада танысын арзан бағамен үй алып беремін деп алдап, одан 17 млн теңге жымқырған күдікті әйел қолға түсті, деп хабарлайды ҚазАқпарат тілшісі.
Күдікті әйел Қызылорда қаласында арзан бағамен үй алып беремін деп танысын алдаған. 48-жастағы әйел 2020 жылдың маусым және тамыз айларында жәбірленушіге Қызылорда және Алматы қаласынан үй алып беремін деп сеніміне кіріген.
«Осылайша алаяқтық жолмен 17 млн теңге көлемінде ақша қаражатын иемденіп алған. Аталған дерек бойынша ҚР Қылмыстық кодексінің 190-бабының 4-бөлігімен (Алаяқтық) сотқа дейінгі тергеп-тексеру әрекеттері жүргізілуде. Күдікті азаматша Қызылорда қалалық полиция басқармасының уақытша ұстау изоляторына қамауға алынды», - деп мәлім етті Қызылорда облыстық полиция департаментінен.
Еске салсақ, бұдан бұрын Қызылордада патруль полициясының көлігі ағашқа соғылды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.