«Конституция және Білім күндеріне орай «Байқоңыр» ауданында 15 абаттандырылған аулалар ашылуда (Ж. Досмұхамедұлы к. 4, 6, 8, 10, 12, А. Янушкевич к. 5, А. Кравцов к. 3, 5, 5/1, 7, 7/1, А. Пушкин к. 1, 3/1). Асан қайғы көшесінде орналасқан № 8 үйінің тұрғындарына бүгінгі күн қос мерекеге айналды! Осындай маңызды күні, аулалардың салтанатты ашылуына қала әкімі Әсет Исекешев қатысып, ауданда жүргізіліп жатқан абаттандыру жұмыстарымен танысты»,-деп хабарлады Ерлан Қаналимов.
Аулаларда футбол алаңдары, балалардың ойнайтын орындары, көше жаттығу құрылғылары және түрлі шағын сәулет нысандары орнатылды.