НҰР-СҰЛТАН. ҚазАқпарат – Жанар-жағар май құю бекеттерінде сатылатын отын көлемін бақылаудың жолы бар. Онлайн жүйені 1-2 апта ішінде қолданысқа енгізуге болады. Бұл туралы Ashyq қосымшасын жасақтаушы Виталий Пустовойтенко әлеуметтік желідегі парақшасында жария етті, деп хабарлайды ҚазАқпарат.
«Жанар-жағар май құю бекеттерінде сатылатын отын көлемін есепке алудың шешімі бар және біз оның 7-14 күн ішінде қолданысқа енгізуге дайынбыз», - деп жазады Виталий Пустовойтенко.
Идея авторы Ashyq OIL деп атаған жобасының қандай мүмкіндіктер беретінін көрсетеді.
«Мақсат – отынның бір адамға лимиттен артық сатылмауын қадағалау, тұрғындармен кері байланыс орнату, заң бұзушылықтарды тіркеу», - дейді ол.
Жоба Ashyq мобильді қосымшасы негізінде ойластырылған. Виталий Пустовойтенконың айтуынша, электронды үкімет инфрақұрылымының мүмкіндігі оны жүзеге асыруға жеткілікті.
«Отын тек қана авто иелері/жүргізушілерге сатылады. Жанар-жағар май құю бекетіне барғаны тіркеледі. Жүргізуші куәлігімен сатып алуға болмайды. Жанар-жағар май құю бекетінде болғаны туралы фейк ақпарат бере алмайды», - дейді ол қолданылатын қорғаныс механизмдері туралы.
Гүлнұр Ғазизқызы
Әл-Фараби атындағы ҚазҰУ журналистика факультетінің түлегі. Еңбек жолын «Қазақ әдебиеті», «Сақшы» газеттерінен бастаған. «Дала мен Қала» республикалық қоғамдық-саяси апталығында тілші, жауапты хатшы болып істеді. «Қазақстан-Ақтау» телеарнасының тілшісі, «Қазақстан» Ұлттық арнасының Маңғыстау облысындағы меншікті тілшісі, Маңғыстау облысы әкімі баспасөз қызметінің бас маманы, «Қазақстан» РТРК» АҚ Маңғыстау облыстық филиалы директорының орынбасары – бас редакторы болды.
Ақпарат саласының үздігі.
«ҚР Президенті телерадиокешенінде» 2022 жылғы 1 сәуірден бастап істейді. Kazinform халықаралық ақпарат агенттігі басқарушы директорының орынбасары – қазақ редакциясының бас редакторы.