Асылжан финалда әлемнің 673-інші, осы жарыстың 6-ракеткасы, оңтүстіккореялық Джан Су Джонмен чемпиондық атақты сарапқа салды.
А.Арыстанбекова 20-да болса, Джан Су Джон 2022 жылы әлемдік рейтингіде 114-орынға дейін көтерілген, Аустралия ашық чемпионатында ойнаған 31 жастағы тәжірибелі теннисші еді.
Бірінші партияда оңтүстіккореялық теннисші 2:0, 3:1 есебімен алға кетті. Дегенмен бұдан кейін Асылжан қатарынан бес гейм алды – 6:3.
Екінші сетте қазақстандық теннисші сол қарқынын жалғастырды – 4:0. Қарсыласы бір брейк жасағанымен, Асылжан матчты жеңіспен түйіндей білді – 6:1.
Осылайша, Асылжан Арыстанбекова спорттық жолындағы маңызды титулына қол жеткізді.
Ерлер арасында Дамир Жалғасбай финалда әлемнің 652-ракеткасы, жапониялық Сюнсукэ Мицуиге жол берді – 5:7, 2:6.
Енді қазақстандық теннисшілер жұптық сында да финалда өнер көрсетеді.
Еске сала кетейік, бұдан бұрын Астана турнирінде Дамир Жалғасбай мен Асылжан Арыстанбекованың финалға жолдама алғанын жазған едік.