АСТАНА. KAZINFORM – Қорғаныс министрлігі қауіпсіздікті қамтамасыз ету бойынша кешенді жоспар аясында жұмыс істеп жатыр. Бұл жөнінде Мәжілістің кулуарында ҚР Қорғаныс министрінің тәрбие және идеологиялық жұмыстар жөніндегі орынбасары Асқар Мұстабеков мәлімдеді.
– Бізде қауіпсіздікті қамтамасыз ету бойынша жұмыстардың кешенді жоспары бар. Биыл жыл соңына дейін не келесі жылға дейін барлық казармаға бейнебақылау орнатылады деп ойлаймын. Сонымен бірге, жасанды интеллект енгізіліп, ол деректерге талдау жүргізеді, – деді Асқар Мұстабеков.
Айта кетейік, бұған дейін Қарулы күштерде жаңа трансформация орталығы іске қосылғанын және әскери логистика цифрланатынын жазғанбыз.
Алпамыс Файзолла
Әл-Фараби атындағы ҚазҰУ журналистика факультетінің түлегі. Л.Н. Гумилев атындағы ЕҰУ-де қазақ тілі мен әдебиеті бойынша магистратураны бітірген. Сондай-ақ, Ұлыбританиядағы Абердин университетінде магистратурада оқыған. Республикалық телеарналарда қызмет атқарған. 2026 жылдан бастап «ҚазАқпарат» халықаралық ақпарат агенттігінің тілшісі.