Джулиан Ассанж Лондон түрмесінен босап шықты

АСТАНА. KAZINFORM —WikiLeaks негізін қалаушы Джулиан Ассанж сейсенбі күні кешке жарияланған сот құжаттарына сәйкес, әскери құпияларды жариялағаны үшін кінәсін мойындап, америкалық сот төрелігімен келісімге келуге дайындалып жатыр, деп жазады ВВС.

Келісімге сәйкес 52 жастағы Ассанжға Ұлттық қорғаныс туралы мәліметтерді алу және ашу үшін келісім жасады деген айып тағылған еді. 

Бастапқыда WikiLeaks негізін қалаушы Ауғанстан мен Ирактағы соғыстар туралы құпия әскери құжаттар мен дипломатиялық хабарламалардың жариялануына байланысты 18 бап бойынша, атап айтқанда тыңшылық бойынша айыпталды.

Ол тек бір айып бойынша кінәсін мойындайтын мәміле сәрсенбі күні таңертең Тынық мұхитының батысындағы АҚШ территориясы Солтүстік Мариан аралдарының сотында аяқталады деп жоспарланған.

WikiLeaks Ассанж дүйсенбі күні Лондонның шығысындағы Белмарш түрмесінен босатылып, Ұлыбританиядан кеткенін хабарлады.

Сәуір айында АҚШ президенті Джо Байден Аустралия билігінің Ассанжды қудалауды тоқтату туралы өтінішін қарастырып жатқанын айтқан.