АҚТАУ. KAZINFORM – Маңғыстаудағы Қызылсай ауылында балабақшадан ауырып, ауруханаға түскен 3 бүлдіршін мен 1 ересек үйлеріне жіберілді. Бұл туралы облыстық денсаулық сақтау басқармасының басшысы Бекболат Ізбасаров мәлемдеді.
Алайда балалардың нақты неден уланғаны әзірге белгісіз күйінде қалып отыр. Талдау қорытындысы әлі шыққан жоқ.
- Медициналық көмекке жүгінген 37 адамның 7-еуі – ересек, қалғандары – балалар, яғни 3-5 жас аралығындағы бүлдіршіндер. Оларда құсу, іш өту, іш ауыру белгілері болған. Ауруханаға жатқызылған төрт науқас жағдайлары жақсарып, үйлеріне жіберілді, - дейді басқарма басшысы.
Еске салайық, 31 қаңтар күні Жаңаөзен қаласына қарасты Қызылсай ауылында балабақша тәрбиеленушілері жаппай астан уланып, жедел-жәрдем шақырған.
Аягөз Ізбасарова
Ізбасарова Аягөз Оралбайқызы телевизия саласында 2003 жылдан бері жұмыс істейді. Еңбек жолын «Қазақстан» РТРК» АҚ Маңғыстау облыстық филиалы «Қазақстан-Ақтау» телеарнасында жүргізуші-редакторлықтан бастап, редактор, шеф-редактор қызметтерін атқарды. Соңғы 7 жылдан бері «Қазақстан» Ұлттық арнасының Маңғыстаудағы меншікті тілшісі. Ақпарат саласының үздігі. Kazinform халықаралық ақпарат агенттігінде 2024 жылғы мамырдан бастап қызмет етеді.