«Жаяу жүргіншілердің қатысуымен болатын жарақаттанудың алдын алу мақсатында біз Астананың 11 аялдама кешенінде жол қозғалысы ережелерін үйрететін ақпараттық панноларды орнатып, олардың назарын осылайша аудартуды шештік. Олар балалар болсын, ересектер болсын - аялдамада көлік күту кезінде оқуына арналған», - деп хабарлады Астана қалалық ІІД ӘПБ-ның ерекше тапсырмалар жөніндегі аға инспекторы Лариса Красникова.
Ол қалалық автобустардың экрандарында сондай-ақ жаяу жүргіншілердің қатысуымен болатын жол-көлік оқиғаларының алдын алу бойынша бейнебаяндар көрсетіліп жүргенін атап өтті. Бұл жаяу жүргіншілердің астаналық көшелерде жол жүру ережелерін сақтауына септігін тигізеді.
Астана қалалық ІІД ӘПБ-нің мәліметтерінше, қалада 4 айдың ішінде 200-ден астам апат тіркеліп, соның салдарынан 200-ден астам адам жарақат алды. Жаяу жүргіншілердің қатысуымен болған оқиғалардың салдарынан 2 адам қаза тауып, тағы 43-і түрлі дене жарақаттарын алған 44 көлік апаты болды.
Елорданың жол-патрульдік полицейлері биылғы жылы жаяу жүргіншілердің жол-көлік ережелерін бұзуының 9,5 мыңнан астам фактісін анықтаған. Күн сайын жол-патрульдік полицияның инспекторлары жаяу жүргіншілер тарапынан болатын 60-тан 80-ге дейін ереже бұзушылықтарды анықтауда.