«Іс-шара аясында Астана қаласындағы жас отбасыларға салауатты өмір салты және репродуктивті денсаулықты қорғау бойынша тегін кеңестер беріледі. Бұдан басқа, психолог, педиатр, гинеколог, терапевт мамандары жеке кабинеттерде жас отбасыларды қабылдап, дәрігерлік көмек көрсетеді. Сонымен қатар, «Отбасын жоспарлау орталығы» кабинеті де жұмыс істейтін болады»,- деп хабарлады astana.kz сайтына ведомствоның баспасөз қызметінен.
Аталған іс шараның мақсаты - жастарға, отбасы құрғандарға немесе құруды жоспарлап отырғандарға ақпараттық-білім беру, соның ішінде, медициналық көмек көрсету, сондай-ақ, әлеуметтік маңызды аурулардың алдын алу және олардың туындау факторларын төмендету мәселесі бойынша көмек көрсету.