АСТАНА. KAZINFORM – Черногория құрамасының 28 жастағы ойыншысы, вингер Дритон Цамай «Астана» футбол клубымен келісімшартқа қол қойды.
«Астана» футбол клубының баспасөз қызметінен мәлім еткеніндей, Дритон – Подгорицадағы «Будучност» клубының түлегі.
Одан бөлек футболшы хорватиялық «Интер Запрешич», черногориялық «Дечич», «Ловчен», «Искра» және мажарстандық «Кишварда» командаларында доп тепкен.
Дритон Цамайдың бұған дейінгі клубы Мажарстанның «Кечкемет» командасы болды.
Футболшы «Астана» сапында 11-нөмірмен өнер көрсетеді.
Еске сала кетейік, бұдан бұрын Нұрсұлтан Құрманның Қазақстан футзал қауымдастығының президенті болғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).