«Астана» футбол командасының қосалқы құрамы «жетісайлықтармен» тең түсті
13:18, 21 Қаңтар 2013
АЛМАТЫ. 21 қаңтар. ҚазАқпарат - Кеше Шымкентте «Астаны» футбол клубының қосалқы құрамы Оңтүстік Қазақстан облысының биыл Бірінші лигаға қатысқалы отырған «Жетісай» командасымен жолдастық кездесу өткізді.
Астаналықтардың баспасөз қызметі таратқан хабарламаға қарағанда, ойын Игорь Свеников жаттықтыратын астаналықтардың оқу-жаттығу жиыны аясында өтті. Онда «жетісайлықтар» кездесудің алғашқы жартысында бірінші болып есеп ашты. Қарымта допты бірінші таймның аяқталуына 5 минут қалғанда Жұмажан Мұсабеков соқты. Бұл есеп ойынның екінші жартысында да өзгеріссіз қалды. Енді «астаналықтар» келесі ойынын 24 қаңтарда өткізбек.