«Астана» гвинеялық футболшы Усман Камараны үш жылға алды
АСТАНА. KAZINFORM - «Астана» футбол клубы гвинеялық жартылай қорғаушы Усман Камараны қатарға қосты. Келісім-шарт алдағы үш жыл мерзімге жасалды. Бұл жөнінде команданың баспасөз қызметі мәлім етті.
Фото: instagram.com/fca.astana
Усман Камара 1998 жылы 28 желтоқсанда Гвинея астанасы Конакри қаласында дүниеге келген.
Фото: instagram.com/fca.astana
Футболдың "әліппесін" өз елінің «Атуга» клубында үйренсе, мансабын Швецияның «АФК Эскильстуна» клубында бастады.
Одан кейінгі жылдарда Норвегияның «Волеренга», Грузияның «Дила» клубтарында доп тепті.
2022-2023 жылдарда Грузияның «Динамо» (Тбилиси) клубының намысын қорғап, 26 гол соғып, 19 нәтижелі пас берді. Командамен бірге ел чемпионы және Грузия суперкубогының жеңімпазы атанды.
Өткен жылы елордалық клуб Чемпиондар лигасы бірінші іріктеу сатысында Грузияның «Динамо» (Тбилиси) клубымен кездесіп, екі ойын нәтижесімен 3:2 (1:1, 2:1) есебімен қапы қалдырды.
Еске салсақ, бұдан бұрын елордалық клуб ганалық футболшы Осей Барнсты қатарына қосты.
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.