Астана қаласының ауа ластануы тиісті нормадан аспаған
Бұл туралы Астана қаласының табиғи ресурстар және табиғат пайдалануды реттеу басқармасының басшысы Мұса Танабаев айтты, деп хабарлайды әкімдіктің медиа орталығы .
«Астананың атмосфералық ауаның ластаушылардың негізгі үлесін құрайтындар: автокөлік құралдары - 53 %, ЖЭС-1 және ЖЭС-2 - 25%, басқа стационарлық көздері (автономды қазандық, жеке кәсіпорындар, мемлекеттік мекемелер) - 17%», - деп атап өтті Елорданың ауа бассейнінің ластануына арналған брифинг барысында энергетика басқармасының басшысы Бақтыбек Жапаев.
Елордада стационарлық көздерден шығарындыларды қысқарту мақсатында бірқатар экологиялық іс-шаралар жүргізілуде. Атап айтқанда, «Астана-Энергия» АҚ табиғатты қорғау іс-шаралары бойынша азот тотықтарын басу, күлді азайту бойынша жұмыстар жүргізді. Соның нәтижесінде астаналық ЖЭС жылына 450 тонна күл шығарындыларын қысқартуға мүмкіндік алды.
«Жыл сайын екі ЖЭС-ның күл үйінділерінен 115 мың тонна күлді құрылыс және жол құрылысы мақсаттары үшін тұтынушылар пайдаланады», - деді М. Танабаев.