Астана мен 7 қалада ауа сапасы нашарлайды
03:40, 22 Қаңтар 2023
АСТАНА. ҚазАқпарат – «Қазгидромет» РМК 22 қаңтарда Қазақстан қалаларында қалыптасатын метеорологиялық жағдайға болжамын жариялады, деп хабарлайды ҚазАқпарат.
Жексенбіде ауа сапасы Қостанай, Қарағанды, Теміртау, Жезқазған, Балхаш, Ақтөбе, Астана және Алматы қалаларында бұзылады.
Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы ықтимал.