Футболдан UEFA Конференция лигасы топтық кезеңіндегі «Астана» (Қазақстан) - «Балкани» (Косово) кездесуі қай телеарнадан көрсетілетіні белгілі болды, деп хабарлайды Kazinform.
Төртінші турдағы «Астана» - «Балкани» ойыны 9 қарашада елорда уақытымен 21:30-де басталып, «Qazsport» телеарнасынан тікелей эфирде көрсетіледі.
Приштина (Косово) қаласында өткен алғашқы кездесуінде астаналық клуб қарсыласынан 2:1 есебімен басым түсті.
Алғашқы үш турдан кейін С тобындағы турнир кестесі төмендегіше: «Виктория Пльзень» (Чехия) - 9, «Динамо Загреб» (Хорватия), «Балкани», «Астана» - 3 ұпай.
«Астана» алда тағы екі ойын өткізеді.
Алдымен 30 қарашада елордада «Динамо Загреб» клубын қабылдаса, 14 желтоқсанда сырт алаңда «Виктория Пльзень» командасымен шеберлік байқасады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.