Театр сахнасынан талай-талай жас әртістер қанат қағып, тек Қазақстанға ғана емес, болашақта дүйім дүниеге әйгілі өнер майталмандары дайындалатындығына сенім білдірген Мемлекет басшысы: «Соған байланысты театрдың ұжымына 100 пәтер, жастарға 100 жатақхана бөлінгенін айрықша айтқым келеді», - деді.
Сонымен қатар Елбасы осы театр сахнасынан отандық опера және балет жұлдыздарының өнерлерін тамашалауға мүмкіндік туатындығын баса айтты.
«Ол Еуразия жүрегінде батыс пен шығысты жалғаған Астананың абыройын асқақтата түсері бәрімізге айқын», - деді Н.Назарбаев.