«Біз бүгінгі келіссөз өте сәтті өтті деп санаймыз. Өткен жылдың 29 желтоқсанында қол қойылған келісімге гарант болған үш елдің қатысумен, сондай-ақ БҰҰ хатшылығының өкілі Стаффан де Мистура мен Қазақстандағы АҚШ Елшісінің, САР делегациясы мен Сирия қарулы оппозициясы өкілдерінің қатысуымен өткен кездесу аса маңызды деп бағалаймын", - деді Лаврентьев журналистерге.
Оның мәліметінше, Астанадағы Сирия мәселесі бойынша келіссөздің қорытынды мәлімдемесінің мәтіні келісіліп жатыр. Оны сейсенбі күні қатысушыларға таныстырып, нақты бекітеді.