АСТАНА. KAZINFORM - Қазақстандық «Astana Qazaqstan Team» командасы жоғары дәрежелі «Вуэльта Андалусия» көпкүндігіне қатысатын құрамын жариялады.
Велокөпкүндік 14 және 18 ақпан аралығында Испанияда өткізіледі.
Аталған веложарыста «Astana Qazaqstan Team» командасының құрамында Глеб Брусенский, Лоренцо Фортунато, Макс Кантер, Вадим Пронский, Даниил Марухин, Рюдигер Зелиг, Сантьяго Умба сайысқа түседі.
«Вуэльта Андалусия» көпкүндігі 1925 жылдан бері тұрақты түрде өткізіліп келеді.
Қазақстандық велошабандоздар қатарынан Александр Шефер 2001 жылы үшінші орын алған еді.
Көпкүндікте жекелей сында испаниялық Алехандро Вальверде 2012, 2013, 2014, 2016, 2017 жылдарда бес мәрте жеңімпаз атанды.
Еске салсақ, бұдан бұрын Аустралияның Аделаида қаласында тректегі велоспорттан Ұлттар кубогы өткізілді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.