Министрлік мәліметіне қарағанда, аталған жолдың ұзындығы -169 шақырым. Бұл бағыттағы жол алты учаскеге бөлінген. Бүгінгі күні құрылыс жұмыстары Ақмола және Қарағанды облыстарындағы екі учаскеде жүргізілуде. Ұзындығы 21 шм құрайтын тағы бір учаскенің жобалау-сметалық құжаттамасы әзірленіп, қазіргі уақытта мердігерді анықтау үшін конкурс жарияланды. Қалған 3 учаскенің жобалық-сметалық құжаты әзірленуде. Жобалау-іздестіру жұмыстарын қараша айында аяқтау жоспарланған. Құрылыс жұмыстары 2014 жылы басталады. Осылайша, келер жылы құрылыс жұмыстары барлық учаскеде жүргізілетін болады. Реконструкция жұмыстарының нәтижесінде «Астана - Теміртау» күрежолы 4 жолақты болып, 1 техникалық санатқа жатқызылады.
«Бүгінгі күні 6,5 шм цементті бетон жабындысы төселген. 10,3 шм жолда негізгі бөлігінің үстіңгі қабаты төселуде. Жақын уақытта бетон төсеу жұмыстары басталады. Сондай-ақ, жер қазу, топырақ үю секілді жер жұмыстары жүргізілуде. Бұл жұмыстар аяқталған соң негіздеменің үстіңгі қабатын төсеу жұмыстары басталады», - делінген баспасөз баянында.