деп хабарлайды ҚазАқпарат.
Францияның Плоуай (Plouay) елді-мекенінде өтетін бір күндік бұл байрақты бәсеке 1931 жылдан бері дәстүрлі түрде жыл сайын ұйымдастырылып келе жатыр. Биыл ол өз жалауын 72-ші рет көтермек. Оған "астаналық" велошабандоздарды клубтың спорт директорларынан Алэн Галлопин бастап бармақ. Онда қазақстандық кәсіби велоклуб намысын қорғау 8 спортшыға сеніп тапсырылып отыр. Олар - Асан Базаев, Александр Дьяченко, Альберто Контадор, Валерий Дмитриев, Даниэль Наварро, Максим Иглинский, Роман Киреев және Сержио Паулиньо.
Жалпы алғашқы кезде "Grand-Prix de Plouay" деген атпен өткен бұл бәсеке 1989 жылдан бастап атауын "Grand Prix Ouest-France" деп өзгерткен болатын. Ал 2005 жылы ол Pro Tour жарыстарының қатарына кірді. Онда соңғы 4 жылда американдық George Hincapie (2005), италияндық Vincenzo Nibali (2006) және франциялық Thomas Voeckler (2007) мен Pierrick Fedrigo (2008) жеңімпаз атанды.