НҰР-СҰЛТАН. ҚазАқпарат - Көпкүндік «Джиро д’Италия» велобәйгесінің 15-кезеңі мәресіне жетті. Бұл жолы пелотон таулы аймақта 177 шақырым қашықтықты бағындырды, деп хабарлайды ҚазАқпарат тілшісі.
Аталған кезеңде «Trek-Segafredo» командасында сынға түсетін италиялық Джулио Чикконе жеңіс тұғырына көтерілді. Екінші көрсеткіш «Bahrain-Victorious» сапынан колумбиялық Сантьяго Буитраго еншісіне бұйырса, үздік үштікті «Movistar» сапынан Антонио Педреро түйіндеді.
Ал «Астана» сапынан Фабио Феллине мәре сызығын он бірінші болып қиды.
Еске салсақ, бұдан бұрын Нұр-Сұлтанда өтетін веложарыс 28 мамырға ауыстырылды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.