АЛМАТЫ. ҚазАқпарат – «Астана» велокомандасының спортшысы Якоб Фульсанг Испанияда «Андалусия Вуэльтасы» көпкүндік веложарысының жеңімпазы атанды, деп хабарлайды ҚазАқпарат тілшісі.
Астаналық клубтың сапында өнер көрсететін 34 жастағы дат велошабандоз жалпы есеп көрсеткіші бойынша бірінші тұр. Одан кейін Mitchelton-Scott атынан шыққан австралиялық велошабандоз Джек Хейг орналасқан. Үздік үштікті Bahrain McLaren командасының атынан алғаш жарысқа қатысқан 30 жастағы испан спортшысы Микель Ланда түйіндеді.
«Андалусия Вуэльтасы» — көпкүндік шосселік веложарыс. Бұл дода Испаниядағы Андалусия автономдық қоғамдастығының Коста-дель-Соль өңірінде өтеді.
Автор:
Еламан Турысбеков
Ербол Жанат
ЕҰУ-да журналистика мамандығы бойынша бакалавриатты және магистратураны тәмамдаған. Стамбул мемлекеттік университетінде ғылыми тағылымдамадан өткен. «Qazaqstan» ұлттық телеарнасында, "Астана ақшамы" газетінде тілші болған. 2014 жылдан бері Kazinform ХАА-да шығарушы редактор қызметін атқарып келеді.