Астананың ЖӨӨ үлесі республикалық көлемнің 10%-ын құрайды - бұл Алматы қаласы (20%) және Атырау облысынан (12,4%) кейінгі үшінші көрсеткіш. ЖӨӨ салалық құрылымында өнеркәсіп үлесі 5%, құрылыс - 5,6%, көлік және қоймалау - 9,6%, жылжымайтын мүлікпен жасалатын операциялар - 10,9%, көтерме және бөлшек сауда; автомобильдерді және мотоциклдерді жөндеу - 23,5%, басқа да қызметтер - 45,4% құрады. Жалпы өңірлік өнім елорда халқының жан басына шаққанда 968,5 мың теңгені құрады және республика өңірлерінің арасында Атырау облысы (1761,3 мың теңге) және Алматы қаласынан (998,3 мың теңге) кейін үшінші орында.
13:16, 14 Шілде 2015
Астана Жалпы өңірлік өнім деңгейі бойынша алғашқы үштікке кіреді
АСТАНА. ҚазАқпарат - Астана қаласы бойынша 2015 жылғы І тоқсандағы жалпы өңірлік өнім 828670,2 млн. теңгені құрады, деп хабарлады қалалық әкімдіктің баспасөз қызметінен.