Астанада бүгін аязға байланысты бірінші ауысымның 0-9 сынып оқушылары қашықтан оқитын болды. Бұл туралы Kazinform елорданың Білім басқармасына сілтеме жасап хабарлайды.
"Ауа райының қолайсыздығына байланысты бірінші ауысымның 0-9 сынып оқушылары қашықтан оқыту форматына ауыстырылады" делінген қалалық білім басқармасының хабарламасында.
Айта кетейік, бұған дейін Қатты аяздың болжануына байланысты Ақмола облысының Көкшетау қаласында бірінші ауысымдағы барлық оқушы онлайнға көшірілгенін жазған едік.
Ербол Жанат
ЕҰУ-да журналистика мамандығы бойынша бакалавриатты және магистратураны тәмамдаған. Стамбул мемлекеттік университетінде ғылыми тағылымдамадан өткен. «Qazaqstan» ұлттық телеарнасында, "Астана ақшамы" газетінде тілші болған. 2014 жылдан бері Kazinform ХАА-да шығарушы редактор қызметін атқарып келеді.