Астанада 38 жастағы әйел көпірден құлап кетіп, мерт болды
08:52, 26 Сәуір 2011
АНА. 26 сәуір. ҚазАқпарат - Астанада 38 жастағы әйел көпірден құлап кетіп, мерт болды.
ҚР Төтенше жағдайлар министрлігінен мәлім еткендей, «Мех-сервис» ЖШС-ның жұмысшысы дүйсенбі күні, түс уақытында Ақбұлақ шағын ауданындағы Есіл өзенінің үстімен өтетін М-2 көпірде сылақ жұмыстарын жүргізу барысында құлап кеткен.
Астана қаласы бойынша ТЖД судан-құтқару қызметі (3 адам мен 1 техника) әйелдің денесін судан 5 минуттан кейін алып шықты.