Астанада Абай даңғылында жөндеу жұмысына байланысты қозғалыс шектеледі
АСТАНА. KAZINFORM — Астанада Абай даңғылының Ә. Сембинов көшесінен А. Пушкин көшесіне дейінгі аралықта жол жабынына маршруттық жөндеу жүргізіледі. Бұл туралы қала әкімдігінің баспасөз қызметі хабарлады.
Фото: Мақсат Шағырбай/Kazinform
Осыған байланысты 17-25 шілде аралығында көрсетілген учаскеде көлік қозғалысы кезең-кезеңімен, жолақтардың жабылуымен ішінара шектеледі.
— Жұмыс жүргізу кезеңінде аталған аумақта көлік кептелісі туындауы мүмкін. Жүргізушілер мен жаяу жүргіншілер жүру бағытын алдын ала жоспарлап, қозғалысты ұйымдастыруда мүмкін болатын өзгерістерді ескеруі қажет, — делінген хабарламада.
Фото: Астана әкімдігі
Еске салайық, бұған дейін Астанада Мәңгілік Ел даңғылы мен Қонаев көшесінің қиылысы уақытша жабылатынын хабарлаған едік.
Еуразия ұлттық және Қазақ ұлттық университеттерін бітірген. Республикалық "Ұлан" газетінде, Baribar.kz, Holanews.kz, Zakon.kz, Tengrinews.kz, Massaget.kz, Ulysmedia.kz порталдарында журналист, продюсер, шығарушы/шеф/бас редактор қызметтерін атқарған. 2025-2026 жылдары Kazinform агенттігінің Алматыдағы меншікті тілшісі болып еңбек етті, қазір қазақ редакциясының шығарушы редакторы.