Бүгін елордада ауа температурасы 22°С болады, оңтүстік-батыстан 9-14 м/с жылдамдықпен жел соғады. Ертең синоптиктердің болжамынша, жауын-шашын болмайды, ауа температурасы күндіз 28, түнде 15°С, оңтүстік-батыстан 9-14 м/с жел соғады. Сәрсенбі, 9 қыркүйекте Астанада күн ала бұлтты болады, жаңбыр жаумайды. Оңтүстіктен 9-14 м/с жылдамдықпен жел соғады. Күндіз ауа температурасы 29-31°С, түнде 14-16 °С болады. «Қазгидромет» РМК хабарлауынша, 12 қыркүйекке дейін ауа райы жылы болады.