20:21, 02 Мамыр 2017

Астанада ашық аспан астындағы фитнес маусымы басталады

АСТАНА. ҚазАқпарат - 14 мамыр күні елорда алаңдарында «Fitness Park Astana»-ның жаңа маусымы ашылады, деп хабарлайды «ҚазАқпарат» ХАА тілшісі.

Әр жексенбі сайын таңғы сағат 10:00-ден түскі 13:00-ге дейін білікті фитнес-нұсқаушылардың қатысуымен жаппай жаттығулар жүргізіледі.

Астананың Орталық саябағында кроссфит, йога, бразилиялық джиу-джитсу және зумба биі бойынша сабақтар өтеді.

«Жерұйық» саябағында кроссфит пен зумба элементтері бар бір сағаттық жалпы физикалық жаттығулар және дәстүрлі джиу-джитсу бойынша шеберлік сабақтары жүргізіледі.

Студенттер саябағында кроссфит пен зумба элементтері бар бір сағаттық жалпы физикалық жаттығулармен бірге тай боксы да үйретіледі.

Астана Спорт
Айжан Серікжанқызы
Айжан Серікжанқызы Қасым Л. Н. Гумилев атындағы Еуразия ұлттық университеті Журналистика және саясаттану факультетінің түлегі. Мамандық бойынша РФ Татарстанның Қазан қаласында, Польшаның Вроцлав қаласында тағылымдамадан өткен. 2017 жылдан бері ҚазАқпарат агенттігінде жұмыс істейді.