Аталмыш акция аясында Қарулы Күштер қатарына мерзімді қызмет өткеру үшін шақырылған 72 бозбаланы шығарып салу рәсімі өтті.
Жастарға әскери-патриоттық тәрбие беру мақсатында шақырылушыларды салтанатты түрде шығарып салуға оқу орындарының (мектептердің, колледждер мен лицейлердің) оқушылары, әскери-патриоттық клубтар мен үйірмелердің тәрбиеленушілері, ата-аналар мен қала жастары шақырылды. Салтанатты іс-шараға 4 000-нан аса адам қатысты.
Қонақтардың назарына құрмет қарауылы ротасының дефилесі, сондай-ақ, концерттік бағдарлама көрсетілді.
Азаматтардың мерзімді әскери қызметке шақырылуының күзгі шақырылымы Қазақстанда 1 қазанда басталғанын естеріңізге сала кетейік.
2016 жылдың күзінде Қазақстан Республикасының Қарулы Күштеріне, басқа да әскерлері мен әскери құралымдарына 1989-1998 жылы туылған азаматтар шақырылатын болады.