Нұр-Сұлтан қаласының төтенше жағдайлар департаменті «Қазгидромет» РМК деректеріне сүйене отырып, 27 қазан - күндіз, 28 қазан - тәулік бойы оңтүстік-батыстан және батыстан жел соғатынын хабарлайды. Жел екпіні 15-20 м/жетеді.
Осыған байланысты ТЖД ауа райының қолайсыздығы кезінде сақтық шараларын сақтауға шақырады.
Қатты жел болғанда:
- мүмкіндігінше ауа райының қолайсыздығын күрделі құрылыс объектілерінде күтіңіз;
- көшеде бағандардан, ағаштардан, жарнамалардан, сымдардан алыс жүруге тырысыңыз;
- жеке автокөлігіңізді ағаштар мен ескі құрылыстардан алыс қойыңыз;
- пәтер мен үйлерде барлық терезелерді нық жабыңыздар;
- құрылыс объектілеріне қолайсыз ауа райы жағдайы әсерінен аумақтарды және тұрғындарды қорғау, құрылыс алаңдарында мүмкіндігінше құрылыс-монтаж жұмыстарына шектеу бойынша қосымша шараларды қабылдау қажет.
Төтенше жағдай туындаған жағдайда «112» нөміріне қоңырау шалыңыз.