22:05, 22 Маусым 2015

Астанада аулалар арасында бұқаралық спорт түрлерінен турнир ұйымдастырылды

АСТАНА. ҚазАқпарат - Елордада шағын футбол мен баскетболдан «Сарыарқа» ауданы аулаларының жасөспірімдері арасында турнир өтуде. Аталмыш турнир «Сарыарқа» ауданының әкімдігі, Астана қаласы ІІД Есірткі бизнесіне қарсы күрес басқармасы және қалалық Туризм, спорт және дене тәрбиесі, Денсаулық сақтау басқармаларымен ұйымдастырылды, деп хабарлады astana.gov.kz.

Турнирдің ашылуы Ш. Айманов көшесіндегі спорт алаңдарының бірінде өтті. Ашылу рәсіміне 800-ден астам қала тұрғыны қатысты. Турнирге қатысуға 70 құрама ниет білдірген. Алғашқы күні баскетболдан 13, шағын футболдан 5 құрама өзара шеберлік байқасады.

Турнир жеңімпаздары Астана қаласы ІІД Есірткі бизнесіне қарсы күрес басқармасы атынан сыйлықтарға ие болды. Шара маусымның 26 дейін жалғасады.

Астана Спорт Қоғам Әлеуметтік қолдау
без автора