Астанада ауыл шаруашылық жәрмеңкелері өтеді

АСТАНА. ҚазАқпарат - 19 наурыздан бастап қаланың үш ауданында отандық тауар өндірушілердің қатысуымен апта сайынғы ауыл шаруашылық жәрмеңкелері өтеді. Жәрмеңкелік шаралар қара күзге дейін жалғасады, деп хабарланды Астана әкімдігінің ресми сайтында.

Жәрмеңкеде негізгі азық-түлік өнімдерінің 25-тен аса түрі ұсынылады, атап айтқанда картоп, пияз және көкөністердің басқа түрлері, сонымен қоса қышқыл сүт өнімдері, кондитерлік және макарон бұйымдары сатылады.

Жәрмеңкеде ұсынылған тауарлар қала нарығындағы бөлшек сауда бағаларынан төменірек бағада сатылатын болады.

Жәрмеңкелер апта сайын таңғы 9:00-ден кешкі 18:00-ге дейін Сауран к-сі, 7, Абылай хан даңғылы, 20а, Қосшығұлұлы к-сі, 16 мекенжайларында өтеді.