Астанада автобустардың соқтығысуынан жүкті келіншек зардап шекті

None
АСТАНА. ҚазАқпарат - Астанада екі автобустың соқтығысуы салдарынан жүкті келіншек зардап шекті, деп хабарлайды ҚазАқпарат тішлісі.

Astana LRT баспасөз қызметінің мәліметінше, жол-көлік оқиғасы бүгін таңертең Тәуелсіздік даңғылы мен Қ. Мұңайтпасов көшесі қиылысында №48 және №4 автобустары арасында болған.

«Қажымұқан Мұңайтпасов көшесі қиылысын 15 км/сағ жылдамдықпен өте бергенде, яғни соңғы үшінші жолақтан солға қарай бұрылыс кезінде қатар келе жатқан №4 бағдарын жанап өткен», - делінген хабарламада.

Соның салдарынан №48 автобуста келе жатқан 24 жастағы жүкті келіншек зардап шекті. Жүктілік мерзімі - 23-24 апта. Оған күйзеліске қатты реакция ету диагнозы қойылды. Осы орайда жолаушы №3 перинаталдық орталыққа жеткізіліп, тексеру шаралары жүргізілуде.

Жол-көлік оқиғасы бойынша Астана полицейлері №48 автобустың жүргізушісіне қатысты хаттама толтырды. Автобус паркінде қызметтік тексеріс аяқталғанға дейін, жүргізуші жұмысынан уақытша шеттетілді.