Астана қаласы Тұтынушылардың құқықтарын қорғау департаментінің хабарлауынша, шара аясында сауда орындарында адамдар күнделікті тұтынып жүрген азық-түліктері мен жеміс-жидектерінің сапасын тексеріп, көп мағлұмат алды. Департамент мамандарының айтуынша, көкөніс өнімдері сатылымға түскелі бері нитраттардың мөлшерін анықтау үшін 1555 сынама алынған. Соның ішінде 7 сынамада (қауын, құлпынай, өрік, жүзімде) нитрат мөлшері шамадан артық болғаны анықталды. Аталған мәселе бойынша, департаментте арнайы тұрақты байланыс желісі қызмет етеді. Ол үшін 31-71-37, 31-79-92, 31-55-02 телефондарына хабарласып, кеңес алуға болады, делінген хабарлама.
17:35, 16 Шілде 2014
Астанада азық-түлік өнімдерінің қауіпсіздігі бақылауға алынды
АСТАНА. ҚазАқпарат - Бүгін Астанада «Шарын», «Әсем» және «Артём» базарларында «Тұтынушыға қауіпсіз өнім» акциясы өткізілді, деп хабарлады astana.kz.