«Бұл жоба кешенді жоба, себебі 7 бөлім мен 13 тармақшадан тұрады. Бұл бөлімдердің барлығы ортақ мақсатқа жету үшін өзара байланысқан. Негізгі мақсат - шетелдік консалтинг компаниялары мен денсаулық сақтау және әлеуметтік даму министрлігі арасында өзара тиімді әріптестік орнату», - деді жобаның ұлттық үйлестірушісі Болат Тәкежанов.
Оның айтуынша, жобаны жүзеге асырудың нәтижесінде Қазақстанның денсаулық сақтау жүйесіне халықаралық стандарттар енгізіліп, ұзақ мерзімді институционалды потенциал қалыптасқан.
Жалпы, 16-20 қараша аралығында Қазақстан мен Дүниежүзілік банктің жобалау топтары, Канада, АҚШ, Финляндия, Испания және өзге елдердің сарапшылары жобаның барлық жеті бөліміне талдау жасайды.