Астанада 12-15 қараша күндері дзюдодан ерлер мен әйелдер арасында Қазақстан чемпионаты өтеді, деп хабарлайды Kazinform.
Республикалық додаға еліміздің барлық облысы мен Астана, Алматы және Шымкент қалаларынан 500-ге жуық дзюдошы қатысады.
Олардың арасында бүгінде ұлттық құрама сапында әлемдік додаларда ел намысын қорғап жүрген Нұрқанат Серікбаев, Данияр Шамшаев, Ислам Бозбаев, Ғалымжан Қырықбай, Бауыржан Нарбаев, Есет Қуанов, Ғалия Тынбаева, Камила Берліқаш сынды белгілі балуандар бар.
Қазақстан чемпионаты нәтижесінде 2024-2025 жылғы жаңа маусымға ұлттық құрама жасақталады.
Еске салсақ, бұдан бұрын Астанада еркін күрестен өткен турнирдің жеңімпаздары анықталды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.