Астанада екінші ауысымдағы 0-9 сынып оқушылары қашықтан оқиды
10:11, 06 Ақпан 2026
АСТАНА. KAZINFORM – Елордада ауа райына байланысты 0-9 сынып оқушылары қашықтан оқиды, деп хабарлайды елорда әкімдігінің ресми сайты.
– 2026 жылғы 6 ақпан күні ауа райының қолайсыздығына байланысты екінші ауысымның 0-9 сынып оқушылары қашықтан оқыту форматына ауыстырылады, - делінген Білім басқармасының хабарламасында.
Еске сала кетейік, бұған дейін 6 ақпанда ауа райына байланысты бірқатар өңірде ескерту жарияланғанын хабарлаған едік.