Астанада екінші ауысымның 0-9 сынып оқушылары онлайн оқиды

АСТАНА. KAZINFORM — Елордада таңнан аяз күшейіп тұр. Сол себепті оқушылар онлайн форматқа көшірілді. Бұл туралы қалалық білім басқармасының баспасөз қызметі хабарлады. 

— 2026 жылғы 26 ақпан күні ауа райының қолайсыздығына (ауа температурасының төмендеуіне) байланысты екінші ауысымның 0-9 сынып оқушылары қашықтан оқыту форматына ауыстырылады, — делінген хабарламада.

Айта кетелік СҚО мен Көкшетауда оқушылар аязға байланысты қашықтан оқуға көшірілген еді. 

Сонымен қатар ауа райының қолайсыздығына байланысты бірнеше бағытта жол жабылған еді.