«2015 жылы жалпы ұзындығы 21,5 шақырым бесінші жылу магистралін салуға кірісеміз. Ол қаланың солтүстік-батысын, оңтүстік-батысын, сондай-ақ «EXPO-2017» алаңын жылумен қамтамасыз етуге мүмкіндік береді. Жалпы, 2017 жылға дейін 80 шақырым магистральді желі салынады, - делінген қала басшысының хабарламасында.
2013-2014 жылдар аралығында жалпы ұзындығы 18 шақырымдық магистральді жылу құбырлары қайта жөнделіп жатыр. Нәтижесінде олардың өткізу мүмкіндігі 859-дан 1788 Гкалға дейін артып, тозушылық дәрежесі 15%-ға азаяды. Сондай-ақ бұл орталықтандырылған жылу жүйесіне қосылатын тұтынушылар санын арттырмақ.
Құбырлардың жер астымен жүргізілуі де қала көшелерінің көркіне жинақылық береді. Сонымен қатар, ТМ-7, ТМ-2, ТМ-18 жылу магистральдарын қалпына келтіру жоспарланып отыр.