Астанада иіс тиіп уланған 3 адам ауруханаға түсті

АСТАНА. 17 желтоқсан. ҚазАқпарат - Астанада иіс тиіп уланған 3 адам ауруханаға түсті, деп хабарлады Төтенше жағдайлар министрлігінің баспасөз қызметінен.

Бүгін түнде жекеменшік үйлердің бірінде өрт болды. Оқиға салдарынан 3 адам иіс тиіп уланып, ауруханаға жеткізілді.

Өртті сөндіруге Астана қаласы Төтенше жағдайлар департаменті өрт сөндіру қызметінің қызметкерлері мен техникалары: барлығы 16 адам мен 2 техника жұмылдырылды.