АСТАНА. 23 ақпан. ҚазАқпарат - 24 ақпанда Астанадағы «Дәулет» спорт кешенінде «ТМД кубогі» сарапқа салынатын киокушинкай кан каратэден V халықаралық турнир басталады.
Бұл тартысты додада барлық жас аралықтарының топтары бойынша ТМД-ның азулы каратэшілері бақ сынайтын болады.
Спорттық осы шараның мақсаты - Қазақстанда аталған спорт түрін дамыту, ТМД елдері арасындағы өзара ынтымақтастықты нығайту, спортшылардың біліктілігін арттыру.
Таратылған мәліметтерге қарағанда, турнир ертең сағат 9-да басталады деп күтілуде.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.