Астанада қаза тапқан құтқарушылардың құрметіне ескерткіш орнатылды
15:48, 18 Қазан 2016
АСТАНА. ҚазАқпарат - 18 қазан күні Астанада Құтқарушылар күні қарсаңында қызметтік борышын өтеу барысында қаза тапқан азаматтық қорғаныс органдары қызметкерлеріне арналған ескерткіш ашылды.
1996 жылдың ақпанында және 2010 жылдың ақпан айында болған қайғылы оқиғалар ешкімді бей-жай қалдырмайды. Өз міндеттерін орындау барысына астаналық өрт сөндіру қызметі бірнеше қызметкерінен айырылды. Олардың бейнесі (Величкин Александр Юрьевич, Винокуров Геннадий Геннадьевич, Зайцев Валерий Михайлович, Әбеев Саят Сапарбекұлы және Кәкішев Руслан Қожахметұлы) мәңгі жадымызда сақталады.
Өткен жылы мұнда ҰОС ардагерлері мен тыл еңбеккелерінің Даңқ аллеясы ашылған еді және азаматтық қорғаныс органдары ардагерлерінің есімдері жазылған ағаштар отырғызылды. Жыл сайын 19 қазан күні Қазақстанда Құтқарушылар күні атап өтіледі.