Шара Қазақстанның еңбек сіңірген қайраткері, қытайтанушы-ғалым, филология ғылымдарының докторы, профессор, ақын әрі аудармашы Дүкен Мәсімханұлының 50 жылдық мерейтойына орай ұйымдастырылған. Айта кетейік, Д.Мәсімханұлы Қазақстан Жазушылар одағының халықаралық «Алаш» әдеби сыйлығының және ШЫҰ-ның «Жібек жолы: гуманитарлық ынтымақтастық» сыйлығының иегері. Сондай-ақ конференция барысында ғалымның «Тарихшылардың ұлттық конгресі кітапханасы» сериясы бойынша «Фолиант» баспасынан жарық көрген «Қытай туралы қырық сөз» атты зерттеу кітабының тұсаукесер рәсімі өткізілмек. Келемін деушілерге есік ашық, деп хабарлайды kazaitys.kz.
07:43, 03 Қазан 2014
Астанада Қазақстандағы қытайтану ғылымының мәселелері талқыланбақ
АСТАНА. ҚазАқпарат - Қазан айының 10 жұлдызында Л.Н.Гумилев атындағы Еуразия ұлттық университетінде «Қазақстандағы қытайтану ғылымы: тарихы, бүгіні мен болашағы» атты халықаралық ғылыми-тәжірибелік конференция өтеді.