Кеш қонақтары Тимати, Нюша, Индира Елемес сияқты белгілі әншілер болмақ. Сатылған билеттерден түскен қаражаттің бір бөлігі қайырымдылыққа жұмсалады. Бүгінде 21 000-нан астам билет сатылған. Концертке билетті ticketon.kz, kassir.kz сайттарында, сондай-ақ «Астана-Арена» стадионының кассасынан сатып алуға болады.
Астана қалалық ІІД ақпаратына сәйкес, елорданың ІІД ӘПБ қоғамдық көлік пен таксиден басқа көлік қозғалысын шектеу шараларын қабылдайды. Сағат 17.00-ден бастап шара аяқталғанға дейін Керей Жәнібек хандар көшесінен Хусейн бен Талал көшесіне дейін учаскеде Қабанбай батыр және Тұран даңғылдары жабылады. Ұсынылатын айналма маршрут - Орынбор көшесі бойынша. Астана ІІД ӘПБ концертке келгісі келетін көлік иелерінен өз көлігімен емес, қоғамдық көлікпен келуді өтінеді. Тәжірибе көрсеткендей, «Астана-Аренада» осындай спорттық-бұқаралық, мәдени шаралар өткенде көрермендерді тасудың негізгі түрі ретінде қоғамдық көлікті пайдалану өз тиімділігін дәлелдеген. Көрермендерді жинау мен концертке жеткізу мына мекенжайлар бойынша арнайы рейстермен алты пунктте жүргізіледі: «Қазақстан» СК алдынан, (Қажымұқан көшесі бойынша); «Хазірет Сұлтан» мешіті (Қошқарбаев даңғылы бойынша); «Нұр Астана» мешіті (шығыс жақтағы автотұрақтан); елордалық цирк маңынан (Қорғалжын тас жолы бойынша автотұрақ); Қ.Мұңайтпасов атындағы стадион аватотұрағынан (Кенесары көшесі бойынша); «Жастар» театры жанынан (бұрынғы опера театры, Затаевич көшесі). Арнайы рейстік автобустарда билет құны: ересектерге - 90 теңге, 15 жасқа дейінгі балаларға - 40 теңге, жол жүру билеттері жарамсыз. Жоғарыда айтылған 6 нүкте бойынша арнайы рейстік автобустар жүреді, сондай-ақ №10, 12, 27, 28, 30, 40, 43, 51, 61 маршруттары қатынайды, деп атап өтті елордалық әкімдіктің баспасөз қызметінен.