АСТАНА. ҚазАқпарат - Астанада коньки спортынан өткен Қазақстан чемпионатында Екатерина Айдова жеңімпаз атанды, деп хабарлайды ҚазАқпарат ҚР ҰОК баспасөз қызметіне сілтеме жасап.
Әйелдер арасында Екатерина Айдова ел біріншілігінде қарсылас шақ келтірмеді. Ол спринттен тыс басқа да қашықтықтарда топ жарды.
Әйелдер арасындағы көпсайыста екінші орынды Татьяна Сокирко иеленсе, үздік үштікті Валерия Чадова қорытындылады.
Ерлер арасындағы спринт пен классикалық көпсайыста Иван Аржаников үздік атанды.
Күміс жүлде Дмитрий Морозовқа бұйырса, қола жүлдені Демьян Гаврилов қанағат тұтты.
Айта кетейік, бұл үш спортшымыз Дмитрий Бабенконың қол астында Минскіде өткен студенттер арасындағы әлем чемпионатында бақ сынаған болатын.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.