Департаменттен хабарланғандай, ер адам киім ілетін бөлмеде болып, қонақүйде өтіп жатқан спорттық би чемпионатына қатысушылар мен келушілердің құндыз тоны мен ұялы телефонын жымқырған.
Жедел-іздестіру іс-шарасы барысында полиция қызметкерлері күдіктіні Павлодар қаласында ұстады. Ол 36 жастағы, бұрын ұрлық жасағаны үшін сотталған қала тұрғыны болып шықты. Ұсталған күдікті уақытша оқшаулағышқа қамалды. Жымқырылған тон алынып, иесіне қайтарылды», - деп хабарланады департаменттің баспасөз қызметінен.
Аталған факт бойынша ҚР ҚК-нің 188-бабымен (ұрлық) сотқа дейінгі тергеп-тексеру жүргізілуде. Ұсталған адамның елорда аумағында бұрын жасалған осыған ұқсас қылмыстарға қатыстылығы тексерілуде.