Астанада Қорғаныс министрі бастаған әскери қызметшілер «Отан қорғаушылар» монументіне гүл шоқтарын қойды

АСТАНА. Мамырдың 7-сі. ҚазАқпарат /Айдар Оспаналиев/ - Бүгін Астанадағы «Отан қорғаушылар» монументіне гүл шоқтары қойылды. Аталмыш шараға Қорғаныс министрі Даниал Ахметов бастаған жоғары шенді сардарлар мен сарбаздар, Ұлы Отан соғысы мен қорғаныс саласының ардагерлері қатысты,

деп хабарлайды ҚазАқпарат. Естеріңізге сала кетейік, Қазақстан Республикасының Қарулы күштерін құру туралы шешім 1992 жылғы мамырдың 7-інде қабылданған болатын. Осы күні Мемлекет басшысының арнайы Жарлығы шығып, содан бері аталмыш мереке елімізде дәстүрлі түрде атап өтіліп келеді. Бүгінгі шара да осы дәстүрдің жалғасы. Жиын барысында оған қатысушылар Отан үшін, елі үшін мерт болған азаматтарды еске алып, бір минут үнсіздік жариялады.