Астанада Lexus автобуспен соқтығысты
15:24, 26 Наурыз 2017
АСТАНА. ҚазАқпарат - Астанада Пушкин мен Циолковский көшелерінің қиылысында Lexus маркалы көлік № 51 автобуспен соқтығысты, деп хабарлады «ҚазАқпарат» ХАА Астана ІІД баспасөз қызметінің басшысына сілтеме жасап.
«26 наурызда орын алған апат фактісі бойынша полицейлер тексеру жүргізуде. Lexus көлігінің 1997 жылы туған жүргізушісі қарсы жолға шығып кетіп, №51 автобуспен соқтығысты», - деді ол.
Оның айтуынша, апат салдарынан ешкім зардап шеккен жоқ, ешкім медициналық көмекке жүгінбеді.
«Автобустың ішінде жолаушы болмаған, ол енді ғана маршрутқа шықпақшы болған», - деп түсіндірді ол.