АСТАНА. ҚазАқпарат - Астанада қаласы Сарыарқа ауданының прокуратурасы денсаулық сақтау ұйымдарының қызметіне тексеру жүргізді. Соның барысында емханалардың қала аумағында тұрмайтын азаматтарды, сондай-ақ қайтыс болған адамдарды негізсіз тіркегені анықталды, деп хабарлайды ҚазАқпарат.
Прокурорлар пациенттердің міндетті скринингтен және балалардың профилактикалық тексеруден өтпеуі, созылмалы ауруы бар пациенттерге дәрі-дәрмекті уақтылы жеткізбеу фактілерін анықтады.
Тексеру нәтижесі бойынша прокурорлық қадағалау актілері енгізілді.
12,5 мыңнан астам азаматтың құқығы қорғалды.
Кінәлі тұлғалар тәртіптік жауапкершілікке тартылды.
Жанат Қапалбаева
М.Х. Дулати атындағы Тараз мемлекеттік университетін бітірген.
Еңбек жолын аймақтық басылымдардан бастаған.
Төрт тіл біледі, кәсіби аудармашы.
2018 жылдан бері – Kazinform шығарушы редакторы.
ҚР Журналистер одағының мүшесі.