«Елорданың полиция қызметкерлері жедел-іздестіру іс-шарасын жүргізу кезінде мемлекетаралық іздеуде жүрген 43 жастағы әйелді ұстады. Ол 2022 жылдан бастап адамдардың сеніміне кіріп, бизнесті дамытуға жеңілдікпен кредит беруге уәде бере отырып, азаматтарды 70 миллион теңгеден астам сомаға алдағаны анықталды», - деп жазды Астана қаласы Полиция департаментінің бастысы Марат Төлебаев Facebook парақшасында.
Сондай-ақ, желідегі жазбада іздеудегі әйелдің қамауға алынғаны айтылған. Осыған орай Астана қаласының Полиция департаменті азаматтарды қырағы болуға, бейтаныс адамдарға сенбеуге және күмәнді мәмілелерге қатыспауды ескертеді.